شجرة الاحزان عضو نشيط
عدد المساهمات : 93 تاريخ التسجيل : 08/10/2011
| موضوع: سنفرة الهردة العجيبة المبيضة السبت أكتوبر 08, 2011 11:43 pm | |
| خلطة راااائعه جدا
الخلطة هذي لازم تستعملينها ككورس كامل لين تخلص الخلطة ( يعني يوميا ) لان لو تمت اكثر من 3 اسابيع تعفن
ولازم تحطينها بالثلاجة وكلما بغيتي منها تطلعين كمية بسيطة تكفيج وتخلينها تدفى شوي وتستعملينها
المقادير :
علبة هردة اي نوع عادي
نص غرشة زيت ليمون
نص غرشة زيت جلسرين
4 قفاش كبار شبة مطحونة
4 قفاش كبار ملح اليوكو بالحليب
4 قفاش كبار ملح اليوكو ببايا
كوب ملح خشن مطحون على الخفيف ( يعني يتم خشن بس على خفيف علشان مايشمخج وانتي تتفركين
صابونه يوكو بالحليب مبشورة
3 كور سفيداب تاخذينهم وتطحنينهم انتي بالبيت
طبعا تحطين كل المقادير الجافة وتزيدين عليها الزيوت كلها وتزيدين الهردة شوي شوي وتخلطين الين تشوفين السنفرة صارت مثل الباشاميل
يعني اثقل من الروب بشوي يعني موشرط تحطين علبة الهردة كلها
ضيفي الهردة الين تشوفين ان السنفرة صارت مناسبة لج وكلما حسيتيها ثقيلة ومحثربة زيدي زيت ليمون
ريحتها حلوة لاتخافون ولا راح تلزق بجسمك ولا شي بس اهم شي عقب هالخلطة الترطيب
يعني استعملي اي لوشن ترتاحينله ويفضل انه يكون يفتح الجسم علشان تكمل النتيجة الحلوة
الحين طريقة استعمالها:
تتسبحين سبوحج العادي وتتفركين بالصابون مالج
وعقبها تدهنين جسمج بهالسنفرة وتتفركين فيها عدل على كل جسمج حتى ويهج ( بس بنعومة على الويه )
وتخلين الخلطة من 10-20 دقيقة وعقبها تغسلين جسمج عدل من الخلطة
وتتنشفين وتطلعين وتستخدمين لوشن او كريم يفتح الجسم
من اول استعمال بتشوفين فرق وايد حلو ومع الاستمرار بتشوفين لون جسمج صار واحد | |
|
الدانة عضو جديد
عدد المساهمات : 26 تاريخ التسجيل : 14/10/2011
| موضوع: رد: سنفرة الهردة العجيبة المبيضة الجمعة أكتوبر 21, 2011 10:52 pm | |
| شكـرـراً لكـ أختي على مواضيكـ المميزة دمتـي ودامـ عطـائكـلا حرمنـاآ الله جديدكـ~ | |
|