أحنا اللي بريالة ولا القذافي أهبل

اخوانى الأعزاء واخواتى العزيزات

سؤال غريب ألح على دماغي ايام اللامعقول اللى أحنا عايشينها دى

السؤال هو القذافى أهبل ولا أحنا برياله ؟؟؟؟؟؟

عارف الجواب 99وتسعه دايره % هيقولوا انه أهبل وأنا مع الاجابه دى لكن



هيئه
الاذاعه البريطانيه ال بى بى سى نظمت للقذافى محاضره فى 2007 لطلبه جامعه
اوكسفورد البريطانيه عبر الدائره المرئيه الفضائيه واللى زاد الطين بله ان
القاعه أتملت طلبه على أخرها وعملوا شاشه كبيره بره القاعه للطلبه الغلابه
علشان يلحقوا ركب التقدم بفكر العقيد



وحتى اليابان غزاها الأخ العقيد بفكره وألقى محاضره فى جامعه ميجى اليابانيه

وكمان ألقى محاضره عن الإسلام فى ايطاليا فى 2009 أسفرت عن إسلام 3 ايطاليات ----- بالذمه ده اسمه كلام ؟؟؟؟؟؟؟؟؟؟؟؟؟



واحد زى القذافى يحاااااااااااااااضر

لا وفين ؟؟ فى بريطانيا واليابان وايطاليا !!!!!!!!!!!



طبعا كل خطابات الفذافى وأفعاله وحركاته بتبين انه مريض نفسى بجنون العظمه حتى انه أدى لنفسه لقب ملك ملوك افريقيا



وخصوصا الخطاب الأخير له فى البيت الخربان بتاعه كله كوم والخطاب ده كوم لوحده أنا مش هتكلم عن الخطاب

لان الرئيس اللى بيوصف شعبه بالمقملين والفيران اقل من الكلام عنه !!!!!!!!!



ولكن السؤال



ليه الدول الكبيره دى والمتقدمه دى سابته يحاضر عندها ؟؟؟؟




هل لأنهم أرادوا أن يشاهدوا التطور الطبيعى للقرود حسب نظريه التطور ؟؟

ام لأنهم أرادوا آن يثبتوا للطلبه أنهم متحضرون ودى نوعيه لرئيس دوله عربى لإثبات تخلفنا ؟؟

ام لان القذافى دفع نظير المحاضرات دى والموضوع كله شو ؟؟

ام لأنه فعلا عبقرى بشهاده الغرب واحنا اللى برياله ؟؟

ام نحن متقدمون بدليل ان الأهبل عندنا محاضر كبير عندهم ؟؟

ام هم بقى ولا مؤاخذه الصيت ولا الغنى ومن بره هلاهله ومن جوه يعلم الله ..طلعوا ميفهموش فى الباميه خالص ؟؟

ام أن الطلبه دول بيدرسوا علم نفس ودى كانت حاله بيدرسوها ؟؟